Ilmiy tadqiqotlar, innovatsiyalar va ilmiy-pedagogik kadrlar tayyorlash boʻlimi

Boʻlimning asosiy maqsadi – Oʻzbekiston Respublikasida ijtimoiy-siyosiy, iqtisodiy, maʼnaviy sohalarda olib borilayotgan islohotlarga, Oʻzbekiston Respublikasi Transport vazirligining asosiy maqsadlariga uygʻun ravishda, respublika va uning mintaqalarida ilmiy-texnika taraqqiyoti va ijtimoiy-iqtisodiy rivojlanishni taʼminlovchi davlat ilmiy-texnika dasturlarini bajarishdan, shuningdek, fan va texnologiyalarni rivojlantirishning istiqbolli yoʻnalishlaridan kelib chiqqan holda oliy malakali ilmiy va ilmiy-pedagog kadrlarni tayyorlashdan iborat. Boʻlimning asosiy vazifa va funksiyalari mazkur maqsaddan kelib chiqqan holda belgilanadi.

Universitetda olib borilayotgan ilmiy-tadqiqot ishlarining monitoringini olib borish;

Fan doktori (DSc), falsafa doktori (PhD) hamda ularning ilmiy yoʻnalishlari toʻgrisida maʼlumotlar bankini shakllantirish;

Rivojlangan mamlakatlar ilmiy markazlari va oliy oʻquv yurtlarida oʻzaro shartnomalar asosida respublika uchun ustuvor va zarur mutaxassisliklar boʻyicha yuqori malakali mutaxassislarni maqsadli tayyorlash boʻyicha takliflar ishlab chiqish;

Vazirlik va idoralar bilan kelishilgan holda katta ilmiy xodim-izlanuvchilar va mustaqil izlanuvchilar faoliyatiga taaluqli huquqiy-meʼyoriy hujjatlarning davr talabiga mosligini taʼminlash; 

Fan va ishlab chiqarishning innovatsion korporativ hamkorligini tashkil etish boʻyicha fakultet kafedralarining oʻziga xos xususiyatlaridan kelib chiqqan qolda aniq chora-tadbirlar rejasini ishlab chiqish va tasdiqlash;

Kafedralardagi yetuk professor-oʻqituvchi, tayanch doktorant, mustaqil izlanuvchi, iqtidorli talabalar va tegishli ishlab chiqarish korxonalar vakillaridan iborat innovatsion guruhlarni shakllantirish va ishlab chiqarish bilan ikki tomonlama imzolangan shartnomalar asosida ularning faoliyatini yoʻlga qoʻyish;

“InnoWeek” innovatsion gʻoyalar haftaligida universitet ilmiy-salohiyatini va soʻngi yillarda universitet olimlari tomonidan erishilgan ilmiy-tadqiqot natijalarini namoyen qilish;

Xamkor tashkilotlar bilan qoʻshma labaratoriyalar va kafedralar sonini oshirish va ularni zamonaviy jihozlar bilan jihozlash;

Xoʻjalik shartnomalari boʻyicha olib borilayotgan ilmiy-tadqiqot ishlari toʻqrisida maʼlumotlar bazasini shakllantirish va yangilab borish.

Oliy taʼlim, fan va innovatsiyalar vazirligi tomonidan eʼlon qilingan davlat grantlari, davlat ilmiy-texnik dasturlari doirasidagi (fundamental, amaliy, innovatsion va yosh olimlar) yoʻnalishlaridagi tanlovlarga, chet el grantlari tanlovlarida universitet professor-oʻqituvchilarining ishtirokini taʼminlash;

Davlat grantlari asosida bajarilayotgan ilmiy-tadqiqot loyihalarini chorak, yarim yillik va yillik hisobotlarni oʻz vaqtida Oliy taʼlim, fan va innovatsiyalar vazirligiga taqdim etish;

Universitetda xalqaro va Respublika miqyosida ilmiy-amaliy anjumanlar, seminarlarni tashkillashtirish va konferensiyalarni oʻtkazish.

Tayanch doktorant va mustaqil izlanuvchilar toʻgʻrisida yagona axborot bazasini shakllantirish, va monitoringini olib borish, ularning dissertatsiya mavzularini ilmiy kengashda tasdiqlash.

Oʻzbekiston Respublikasi Prezidenti Davlat stipendiyalari hamda nomli Davlat stipendiyalariga nomzodlarni saralash Nizom talablari asosida meʼyoriy hujjatlarni tayyorlab Oliy taʼlim vazirligiga taqdim etish;

Iqtidorli talabalarni saralab olish ular toʻgʻrisida maʼlumotlar bazasini yaratish va yangilab borish, ularni ilmiy-tadqiqot ishlariga jalb qilish.

Universitetning ilmiy-tadqiqot ishlari boʻyicha yillik hisobotlarni oʻz vaqtida tayyorlash va oliy taʼlim vazirligiga taqdim etish.