Talabalarni turar joy bilan ta'minlash ishlarini muvofiqlashtiruvchi bo‘lim

O‘zbekiston Respublikasi Vazirlar Mahkamasining 2021 yil 24-sentabrdagi “Ijara huquqi asosida yashayotgan talabalar tomonidan to‘lanadigan ijara to‘lovlarini qoplab berish tizimini joriy etish chora-tadbirlari to‘g‘risida”gi 605-sonli qaroriga ilova qilingan Nizom talablari talablari asosida quyidagi ishlarni amalga oshiradi:

Universitetning faqat kunduzgi ta’lim shaklida, davlat garanti yoki to‘lov-kantrakt asosida tahsil oladigan va ijara huquqi asosida yashaydigan barcha talabalarga  oylik ijara to‘lovining bir qismini Davlat byudjeti hisobidan qoplab berish bo‘yicha talabgorlardan tushgan arizalarni qabul qilish, o‘rganish va umumlashtirish.

Ijara to‘lovining bir qismi birinchi novbatda qoplab beriladiganlar, ya’ni ehtiyojmand oila farzandlarni, o‘rnak ko‘rsatgan va faol talabalarni aniqlash. 

Ijara huquqi asosida yashayotgan talabalariga oylik ijara to‘lovinig bir qismini Davlat byudjeti hisobidan qoplab berish bo‘yicha doimiy va jamoatchilik asosida ishlaydigan talabgorlarni tanlab olish komissiyasiga o‘rganilgan hujjatlar va ma’lumotlarni ko‘rib chiqish uchun  taqdim etish.

Ko‘rib chiqish yakunlari bo‘yicha komissiya yig‘ilishining bayonnomasi asosida universitet rektorining tegishli buyrug‘ini rasmiylashtirish  hamda arizalari qanoatlantirilgan talabgorlar to‘g‘risidagi tegishli ma’lumotlar va ularning ro‘yxati to’lovlarni amalga oshirish uchun buxgalteriyaga taqdim etish.  

Ijara to‘lovining bir qismini to‘lab berish yoki to‘lab berishni rad etish to‘g‘risidagi komissiya qarorlarini universitetning tegishli e’lonlar taxtalari, rasmiy saytlarida aks ettirilishini ta’minlash.

Universitetda ijara huquqi asosida yashayotgan talabalar to‘g‘risidagi ma’lumotlarni umumlashtirish.

Oylik ijara to‘lovining bir qismini Davlat byudjeti hisobidan qoplab berilgan ijara huquqi asosida yashayotgan talabalar to‘g‘risidagi ma’lumotlarni umumlashtirish va har chorakda statistik hisobotlarni tayyorlash.

Universitetning raqamli ta’lim texnologiyalari Markazi bilan hamkorlikda talabalar uchun turar joy qidirishda xususiy xonadonlardan ijarada turar joy qidirishning ishonchli tizimini yo‘lga qo‘yish va to‘plangan ma’lumotlar bo‘yicha bazani yangilab borish.

Bo‘lim vakolatiga kiradigan masalalar bo‘yicha xatlar, shikoyatlar va murojaatlarni ko‘rib chiqish.