Yuk transport tizimlari o`quv laboratoriyasi

Talabalarning bilim darajasini oshirish, temir yo‘l transportida yuk va tijorat ishlarini o’rganish, shuningdek, “O‘zbekiston temir yo‘llari” AJ korxona va stansiyalarida amalga oshiriladigan poezdlar harakatini tashkil etish bo‘yicha qator vazifalarni hal etish maqsadida “Yuk transport tizimlari” kafedrasida “Yuk va tijorat ishlarini boshqarish” o‘quv laboratoriyasi tashkil etildi. Laboratoriya sanoat va ishlab chiqarish uchun zarur bo‘lgan dasturiy ta'minot bilan jihozlangan, jumladan, “Rail-Tarif” transport xarajatlarini hisoblash dasturi; “Rail-Atlas” marshrut masofasini aniqlash dasturi; “Rail-info” ixtisoslashtirilgan axborot-ma'lumot tizimi; Yuklarni vagonlarga joylashtirish va mahkamlash dasturi; Poyezdlarni qabul qiluvchi, yuk va bagajlarni qabul qiluvchi topshiruvchi hodimlarni ishini o’rgatuvchi 3D simulyatori.

O‘quv laboratoriyasi doirasida yuk va tijorat ishlarining yo‘nalishi bo‘yicha belgilangan masalalarni yechish uchun quyidagi vazifalar bajariladi:

• marshrutlarni ishlab chiqish va tarif masofasini aniqlash;
• tashish jarayonining xarajatlarini hisoblash;
• vagonlar va konteynerlarda yuklarni joylashtirish va mahkamlash bo‘yicha hisob-kitoblarni ishlab chiqish;
• yuklarni mahkamlash, yuklarni joylashtirish sxemalari va tijoriy nosozliklarini o‘rganish;
• har xil turdagi vagonlarni tijoriy tekshiruvidan o‘tkazish va uning natijalarini ro‘yxatdan o‘tkazish, yuklarni yuklashning to‘g’riligini tez va malakali baholash, aniqlangan qoidabuzarliklarni bartaraf etish ko‘nikmalarini olish;
• temir yo‘l stantsiyalari (yuk va yuklarni qabul qiluvchilar va poezdlarni qabul qiluvchilar) yuk xo‘jaligi ishlarini o‘rgatish poezdlar va vagonlarni tijorat tekshiruvi texnologiyasi. 

O‘quv laboratoriyasining strategiyasi:

O‘quv laboratoriyasida belgilangan vazifalarni hal qilish uchun quyidagilar amalga oshiriladi:

• o‘quv laboratoriyalarini texnik jihozlash;
• laboratoriyada ilmiy tadqiqotlar o‘tkazish va laboratoriya ishlarini tashkil etish rejasini ishlab chiqish;
• yuk tijorat ishlarini boshqarish dasturi bilan ishlash uchun professor-o‘qituvchilarni tayyorlash;
• “Yuk va tijorat ishlarini boshqarish”, “Omborlashtirish logistikasi” fanlari bo‘yicha o‘quv va laboratoriya mashg’ulotlarini, mustaqil ishlarni tashkil etish va o‘tkazish.

O‘quv laboratoriyasining tavsifi:

O‘quv laboratoriyasining dolzarbligi:

Xizmatlar ko’rsatish sifatini oshirish, tashish jarayonini rivojlantirish, tashish jarayonida xarajatlar hisob-kitoblarini amalga oshirish, poezdlar harakati xavfsizligini ta’minlash, poyezd va manevr ishlarini tashkil etish, “O‘zbekiston temir yo‘llari” AJ da yuklarni o‘z vaqtida yetkazib berishni optimal yechimlarni o‘rgatish.

O‘quv laboratoriyasida quyidagi vazifalar bajariladi:

• marshrutni ishlab chiqish va tarif masofasini aniqlash;
• tashish jarayonining xarajatlarini hisoblash;
• vagonlar va konteynerlarga yuklarni joylashtirish va o‘rnatishni hisoblash;
• texnik shartlarda ko‘zda tutilmagan yuklarni joylashtirish va mahkamlash sxemalarini ishlab chiqish;
• platformalar va yarim vagonlarda katta hajmdagi yuklarni joylashtirish va mahkamlash sxemalarini ishlab chiqish;
• stansiyaga va jonatiladigan/belgilangan mamlakatga qarab tariflarni hisoblash qoidalarini aniqlash;
• vagonlar/konteynerlardan tashkil topgan poyezdlarni shakllantirish rejasini hisobga olgan holda mamlakatlar o‘rtasida o‘tish punktlarini aniqlash;
• temir yo‘l stantsiyalarining yuk xo‘jaligi ishlarini, poezdlar va vagonlarni tijorat tekshirish texnologiyasini o‘rgatish.

O‘quv laboratoriyasi Toshkent davlat transport universitetining “Yuk transport tizimlari” kafedrasida tashkil etilgan bulib, uning faoliyati quyidagilarga bog’liq:

• “Yuk transport tizimlari” kafedrasida belgilangan vazifalarni hal etishga puxta tayyorlangan yuqori malakali professor-o‘qituvchilar tarkibining mavjudligi;

• kafedralar mutaxassisliklari bo‘yicha bakalavr va magistrlar uchun laboratoriya, bitiruv va malaka ishlarini tayyorlash va o‘tkazishning ilmiy-uslubiy asoslari mavjudligi;

• temir yo‘l transportida tashish jarayonini takomillashtirish bo‘yicha ilmiy va amaliy natijalarning mavjudligi.

O‘quv laboratoriyasida quyidagi yo‘nalish talabalari o‘qitiladi:

• Transportda tashishni tashkil etish va boshqarish;

• Xizmat ko‘rsatish texnikasi va texnologiyasi.

 magistratura mutaxassisligi bo’ yicha:

• Transport logistikasi.