Cайт работает в тестовом режиме

Avtomobil transporti muhandisligi

Avtomobil transporti muhandisligi


Fakultet tarixi
1972 yilda Toshkent avtomobil-yo’llar instituti tashkil etildi va shu bilan birga “Avtotransport fakulteti ham tashkil topdi. Fakultetda shu davrdan boshlab, “Avtomobillar va avtomobil xo’jaligi” yo’nalishi bo’yicha muhandislar tayyorlana boshlandi. Fakultetning birinchi dekani t.f.n. dots. A.M.Bagdasarov (1972-1974 yy.). Fakultetga turli yillar davomida quyidagilar rahbarlik qildi. T.f.n. dots. X.M. Yusupaliyev (1974-1979 yy.), t.f.n. dots. N.N.Mannanov (1979-1984 yy.), t.f.n. dots. G.N. Maxmudov (1984-1999 yy.), t.f.n. dots. B. Kamildjanov (1999-2008 yy.), t.f.n. dots. G.N. Maxmudov (2008-2010 yy.), t.f.n., dots. R.M.Xakimov (2010-2016 yy.), Z.T. Usmonov (2016-2018 yy.), K.Z. Ziyaev (2018-2019 yy.), A.G. Ikromov (2019-2020 yy.), B.D. Ibragimov (2020-2022 yy.), 2022 yil avgust oyidan fakultet dekani vazifasini PhD K.Z. Ziyayev bajarib kelmoqda.

O’zbekiston Respublikasi Prezidentining 26.08.2016 yildagi “Avtomobil yo’llarini loyihalash, qurish va ekspluatatsiyasi sohasida kadrlar tayyorlashni takomillashtirish chora-tadbirlari to’g’risida”gi PQ-2580-sonli Qarori bilan institut “Toshkent avtomobil yo’llarini loyihalash, qurish va ekspluatatsiyasi instituti” nomi bilan qayta tashkil etildi va institut strukturasi tasdiqlandi. Tasdiqlangan strukturaga asosan “Avtomobil transporti ekspluatatsiyasi”, “Yer usti transport tizimlari” va “Transport va transport kommunikatsiyalari boshqaruvi” fakultetlari o’zaro birlashib, “Avtomobil transporti va transport tizimlari ekspluatatsiyasi fakulteti” nomi bilan tashkil etildi.

2017-2018 o’quv yilida fakultet nomi “Yo’l qurilish mashinalari va avtomobil transporti ekspluatatsiyasi” deb o’zgartirildi.

O’zbekiston Respublikasi Prezidentining 04.05.2020 yildagi PQ-4703-sonli “Transport sohasida kadrlar tayyorlash tizimini tubdan takomillashtirish chora-tadbirlari to’g’risida”gi Qarori bilan yangi tashkil etilgan Toshkent davlat transport universitetining fakultet va kafedralar tashkiliy tuzilmasiga ko’ra, fakultet “Avtomobil transporti muhandisligi” fakulteti deb nomlandi.

Hozirgi kunda fakultet bitiruvchilar ko’plab yo’l xo’jaligi va avtotransport tarmog’i korxonalarida rahbarlik lavozimlarida faoliyat yuritmoqda. O’zbekiston Respublikasi Transport vazirligi va uning qoshidagi Avtomobil yo’llar qo’mitasi tarkibidagi korxonalar, Navoiy va Olmaliq kon-metallurgiya kombinatlari tarkibidagi korxonalar, “Uzavtosanoat” AJ va uning tarkibidagi dillerlik markazlari hamda bir qator yirik sohaning xususiy korxonalari shular jumlasidandir. Fakultet kafedralari tomonidan yuqori malakali kadrlarni tayyorlash, ilmiy-tadqiqot ishlarini shakllantirishda rivojlangan xorijiy oliy o’quv yurtlari bilan hamkorlik qilib kelinmoqda.

Fakultet professor-o’qituvchilari tomonidan shu kungacha 100 dan ortiq darslik va o’quv qo’llanmalar, ko’plab uslubiy qo’llanmalar, 500 dan ortiq patent va mualliflik guvohnomalari va 100 ga yaqin monografiyalar chop ettirildi.

Hozirgi kunda fakultetda 1000 nafardan ortiq  bakalavriat talabalari va 100 nafardan ortiq magistrantlar tahsil olishmoqda.

KAFEDRALAR

TALABALAR

O'QITUVCHILAR

BITIRUVCHILAR


Bakalavriat yo‘nalishlari


Magistratura yo‘nalishlari


FAKULTET DEKANI

Ziyayev Kamoliddin Zuxritdinovich

Dotsent , Texnika fanlari bo`yicha falsafa doktori (Phd)


FAKULTET DEKANI O‘RINBOSARLARI

Ashurov Ortiq Foziljonovich

,

Rashidov Azizjon Mirzayevich

,

Utashev Kuldash Xapizovich

,

Xadiyeva Gulnoza Shavkatovna

,

Kafedralar

Transport energetik qurilmalari Avtomobil va avtomobil xo’jaligi Transport vositalari muhandisligi Texnologik mashinalar muhandisligi Avtomobilsozlik va ishlab chiqarish muhandisligi

Ilmiy markaz

O‘quv laboratoriyalari

Transport energetik qurilmalari o`quv laboratoriyasi Avtomobil va avtomobil xo’jaligi o`quv laboratoriyasi Transport vositalari muhandisligi o`quv laboratoriyasi Texnologik mashinalar muhandisligi o`quv laboratoriyasi Avtomobilsozlik va ishlab chiqarish muhandisligi o`quv laboratoriyasi