Toshkent davlat transport universitetining Kuzatuv kengashi

I. Umumiy qoidalar

1. Ushbu nizom О‘zbekiston Respublikasi Transport vazirligi tasarrufidagi Toshkent davlat transport universitetining Kuzatuv kengashi (keyingi о‘rinlarda Kuzatuv kengashi deb ataladi) faoliyatini tartibga soladi.

2. Kuzatuv kengashi О‘zbekiston Respublikasining “Ta’lim tо‘g‘risida”gi Qonuniga va О‘zbekiston Respublikasi Prezidentining 

2019 yil 8 oktabrdagi “О‘zbekiston Respublikasi oliy ta’lim tizimini 2030-yilgacha rivojlantirish konsepsiyasini tasdiqlash tо‘g‘risida”gi 

PF-5847-son Farmoni, О‘zbekiston Respublikasi Prezidentining 2020 yil 4 maydagi “Transport sohasida kadrlar tayyorlash tizimini tubdan takomillashtirish chora-tadbirlari tо‘g‘risida”gi PQ-4703-son, 

2021 yil 24 dekabrdagi “Davlat oliy ta’lim muassasalarining akademik va tashkiliy-boshqaruv mustaqilligini ta’minlash bо‘yicha qо‘shimcha chora-tadbirlar tо‘g‘risida”gi PQ-60-son hamda “Davlat oliy ta’lim muassasalariga moliyaviy mustaqillik berish chora-tadbirlari tо‘g‘risida”gi PQ-61-son qarorlari va boshqa qonunchilik hujjatlariga muvofiq tashkil etiladi hamda Toshkent davlat transport universitetining (keyingi о‘rinlarda Universitet deb ataladi) boshqaruv organi hisoblanadi.

3. Kuzatuv kengashi yuridik shaxs hisoblanmaydi va davlat rо‘yxatidan о‘tkazilmaydi. Kuzatuv kengashi о‘z faoliyatini jamoatchilik asosida amalga oshiradi.

4. Kuzatuv kengashi о‘z faoliyatini О‘zbekiston Respublikasi Konstitusiyasi va qonunlariga, О‘zbekiston Respublikasi Oliy Majlisi palatalarining qarorlariga, О‘zbekiston Respublikasi Prezidentining farmonlari va qarorlariga, О‘zbekiston Respublikasi Vazirlar Mahkamasining qarorlari va boshqa qonunchilik hujjatlariga, shuningdek, universitet Ustavi va ushbu nizomga muvofiq amalga oshiradi.

5. Kuzatuv kengashi tarkibiga vazirlik va idoralarning, kadrlar buyurtmachilarining, nodavlat notijorat tashkilotlarining vakillari, jamoatchilik vakillari, homiylar, shuningdek universitet faoliyatini takomillashtirish va rivojlantirishdan manfaatdor bо‘lgan boshqa yuridik va jismoniy shaxslar kirishi mumkin.

6. О‘zbekiston Respublikasi Transport vazirligi tasarrufiga kiruvchi Toshkent davlat transport universiteti Kuzatuv kengashining tarkibi Transport vazirligi tomonidan tasdiqlanadi.

II. Kuzatuv kengashining asosiy vakolatlari 

7. Kuzatuv kengashining asosiy vakolatlari quyidagilardan iborat:

Universitetning uzoq va о‘rta muddatli strategik rivojlantirish dasturini tasdiqlash, xalqaro e’tirof etilgan tashkilotlar reytingining yuqori о‘rinlaridan joy olish bо‘yicha maqsadli chora-tadbirlarni belgilash hamda uning amalga oshirilishini nazorat qilib borish;

Universitetning о‘rta muddat uchun shakllantiriladigan biznes-rejasi hamda daromadlar va xarajatlar parametrlarini tasdiqlash, ularning ijrosini muhokama qilish;

ta’lim yо‘nalishlari, mutaxassisliklar hamda ixtisosliklar bо‘yicha tо‘lov-kontrakt asosida о‘qishga qabul parametrlarini belgilash tо‘g‘risida qaror qabul qilish;

Universitet oldiga qо‘yilgan vazifalar ijrosi, maqsadli kо‘rsatkichlarga erishish holati bо‘yicha rektor va prorektorlar faoliyatini о‘rganish hamda axborotini eshitish;

Universitetning ichki audit va moliyaviy nazorat xizmatiga moliyaviy nazorat о‘tkazish uchun qо‘shimcha topshiriq berish hamda nazorat tadbirlarining natijasi yuzasidan hisobot olish;

Universitetni rivojlantirish va uning moliyaviy faoliyati bilan bog‘liq masalalarni hal etish, shu jumladan nodavlat notijorat tashkiloti kо‘rinishida maqsadli kapital jamg‘armasini shakllantirish;

ilm-fan va innovatsiyalarni rivojlantirishning ustuvor yо‘nalishlaridan kelib chiqib, universitetning innovatsion va boshqa jamg‘armalar mablag‘larini sarflash tartibi va yо‘nalishlarini mustaqil belgilash;

Universitet rahbariyati va xodimlari hamda professor-о‘qituvchilari faoliyatiga baho berish, ular faoliyatining samaradorligini baholash mezonlarini (KPI) tasdiqlash;

Universitet hamda uning huzuridagi ta’lim va ilmiy muassasalarning rahbari va xodimlari, professor-о‘qituvchilari, shuningdek, xorijiy mutaxassislar uchun mehnatga haq tо‘lash miqdori va samaradorlik mezonlariga asoslangan rag‘batlantirish tartibini mustaqil belgilash;

Universitetning byudjetdan tashqari rivojlantirish jamg‘armasi mablag‘laridan foydalanish tartibini, shu jumladan xarajatlarning taqsimlanish ulushini mustaqil belgilash.

Kuzatuv kengashi amaldagi qonunchilik hujjatlariga, mazkur nizomga va universitetning ustaviga muvofiq boshqa vakolatlarga ham ega bо‘lishi mumkin.

8. Kuzatuv kengashi о‘ziga yuklangan vakolatlar doirasida:

Mazkur nizom asosida tayyorlangan Universitet Kuzatuv kengashining Nizomini tasdiqlaydi;

Universitetda kadrlar tayyorlash sifatini yaxshilash bо‘yicha takliflar ishlab chiqadi;

Universitet rektoriga Universitet xodimlari va talabalarini moddiy va ma’naviy rag‘batlantirish tо‘g‘risida tavsiyanomalar beradi.

III. Kuzatuv kengashi tarkibi, ularning zimmasiga yuklatilgan vazifalar

9. Kuzatuv kengashi ishtirok etishning ixtiyoriyligi va Kuzatuv kengashi vakolatiga tegishli masalalarni hal etishda barcha a’zolarining teng huquqliligi tamoyillari asosida shakllantiriladi.

Kuzatuv kengashi, qoidaga kо‘ra, Kuzatuv kengashi raisi (hamraisi), raisning о‘rinbosari, kotib va a’zolaridan iborat tarkibda shakllantiriladi.

Kuzatuv kengashi toq sondan iborat tarkibda tuziladi. Kuzatuv kengashining shaxsiy tarkibi va rahbariyatidagi о‘zgarishlar, qoidaga kо‘ra, bir yilda bir marta amalga oshiriladi va О‘zbekiston Respublikasi Transport vazirligi tomonidan tasdiqlanadi.

Universitet rektori lavozimiga kо‘ra, Kuzatuv kengashi a’zosi hisoblanadi. Universitet rektori Kuzatuv kengashi raisi etib tayinlanishiga yо‘l qо‘yilmaydi.

10. Kuzatuv kengashi tarkibining kamida 70 foizi tegishli vazirlik, idoralar, kadrlar buyurtmachilari, jamoatchilik vakillari va homiylardan iborat bо‘ladi.

Universitet rektori va prorektorlari Kuzatuv kengashi tomonidan lavozimga tayinlanadi va lavozimidan ozod etiladi.

11. Kuzatuv kengashi о‘z vakolatlarini Universitet kengashiga topshirishga, shuningdek, universitet kengashiga kiruvchi vakolatlarni о‘z zimmasiga olishga haqli.

Kuzatuv kengashi о‘z vakolatlarini universitet rektoriga berish huquqiga ega emas.

12. Kuzatuv kengashi raisi:

Kuzatuv kengashi majlisi kun tartibini belgilaydi va uni chaqiradi;

Kuzatuv kengashi qarorlarini tasdiqlaydi va ularning bajarilishini nazorat qiladi;

Kuzatuv kengashining yillik ish rejasini tasdiqlaydi, shuningdek Kuzatuv kengashining yillik ish rejasi bajarilishi tо‘g‘risidagi hisobotni Kengash muhokamasiga qо‘yadi;

Kuzatuv kengashi a’zolariga yuklangan vazifalar bajarilishi yuzasidan ularning ishini muvofiqlashtiradi;

davlat organlari va boshqa tashkilotlarda Kuzatuv kengashi nomidan vakillik qiladi;

Kuzatuv kengashining samarali ishlashini ta’minlash uchun boshqa vakolatlarni amalga oshiradi.

13. Kuzatuv kengashi raisi о‘rinbosarining vakolatlari Kuzatuv kengashining qarori bilan belgilanadi.

14. Kuzatuv kengashi a’zolari quyidagi huquqlarga ega:

Kuzatuv kengashi majlislarida kо‘rib chiqiladigan masalalarni muhokama qilish va hal etishda qatnashish;

Universitetda (hamda uning tarkibidagi ta’lim tashkilotlarida) ta’lim jarayonini rivojlantirishning dolzarb masalalari bо‘yicha Kuzatuv kengashiga takliflar kiritish;

Kuzatuv kengashi tomonidan kо‘rib chiqiladigan masalalar bо‘yicha xulosa taqdim etish.

15. Kuzatuv kengashi a’zolari Kuzatuv kengashi tarkibida о‘z faoliyatini jamoatchilik asosida amalga oshiradilar.

Kuzatuv kengashi a’zolari majlisda shaxsan qatnashishlari kerak. Bunday qatnashishning imkoni bо‘lmagan taqdirda Kuzatuv kengashi a’zosi majlisning kun tartibi bо‘yicha о‘z fikrini Kuzatuv kengashiga yozma ravishda taqdim etishga haqlidir.

Kengash a’zosi kengashning yig‘ilishlarida surunkali 3 marta uzrli sabablarsiz ishtirok etmagan taqdirda, u Kengash a’zolari tarkibidan chiqariladi.

16. Kuzatuv kengashi kotibi:

Kuzatuv kengashi faoliyatini tashkiliy-texnik ta’minlaydi;

Kuzatuv kengashi majlisiga barcha zarur hujjatlarining о‘z vaqtida tayyorlanishini ta’minlaydi;

majlisni о‘tkazish muddatlari va joyini Kuzatuv kengashi raisi bilan kelishadi;

kun tartibidagi masalalar bо‘yicha Kuzatuv kengashi majlislari о‘tkazilishini tashkil etadi;

Kuzatuv kengashi a’zolari va taklif etilgan shaxslarni majlisning sanasi, kun tartibi loyihasi, majlisni о‘tkazish vaqti va joyidan xabardor qiladi;

Kuzatuv kengashi qarorlari bajarilishi monitoringini yuritadi;

Kuzatuv kengashi bayonnomalarini rasmiylashtiradi va tasdiqlangan bayonnomalarni Kuzatuv kengashi a’zolariga va boshqa manfaatdor tashkilotlarga yuboradi.

IV. Kuzatuv kengashi faoliyatini tashkil etish

17. Kuzatuv kengashining vakolatiga kiruvchi tegishli masalalar bо‘yicha qarorlar uning majlislarida qabul qilinadi.

18. Kuzatuv kengashi о‘z ishini о‘zi tasdiqlagan reja asosida amalga oshiradi.

Kuzatuv kengashi majlisi zaruriyatga kо‘ra, biroq har chorakda kamida bir marta, zarur hollarda axborot-kommunikatsiya vositalarini qо‘llagan holda masofaviy tarzda о‘tkaziladi.

Kuzatuv kengashi raisi tomonidan uning a’zolarining yozma iltimosnomalari asosida navbatdan tashqari majlislar chaqirilishi mumkin. Iltimosnomalarda navbatdan tashqari majlisni chaqirishning sabablari va asoslari bayon qilinishi kerak.

19. Kuzatuv kengashi a’zolari masalani Kuzatuv kengashi majlisi kun tartibiga kiritish tо‘g‘risida yozma taklif yuborishga haqlidir. Masalani kun tartibiga kiritish tо‘g‘risidagi taklifda masalaning aniq ta’rifi, ma’ruzachining familiyasi, ismi va otasining ismi, taklif etilayotgan qaror loyihasi va Kuzatuv kengashi majlisi kun tartibi masalasi bо‘yicha materiallar kо‘rsatilishi kerak.

Uzil-kesil kun tartibi Kuzatuv kengashi majlisida tasdiqlanadi.

20. Kuzatuv kengashi majlisida kun tartibida kо‘rsatilmagan masalalar kо‘rib chiqilmaydi. Kuzatuv kengashi majlisini Kuzatuv kengashi raisi, u bо‘magan taqdirda esa - Kuzatuv kengashi raisining о‘rinbosari boshqaradi.

Kuzatuv kengashi majlisini о‘tkazish uchun kvorum Kuzatuv kengashining tayinlangan a’zolari sonining kamida uchdan ikki qismidan iborat bо‘lishi kerak.

Majlisni о‘tkazish uchun kvorum yoki rais (hamrais) va uning о‘rinbosari bо‘lmaganda Kuzatuv kengashi majlisini о‘tkazishning yangi sanasi e’lon qilinadi.

21. Kuzatuv kengashi majlisida kо‘rib chiqiladigan masalalarning xususiyatidan kelib chiqib, vazirliklar, idoralar va boshqa tashkilotlarning rahbarlari va mutaxassislari, Universitetning professor-о‘qituvchilari va xodimlari, boshqa shaxslar taklif etilishi mumkin.

22. Kuzatuv kengashi raisiga Kuzatuv kengashi majlisi о‘tkaziladigan sanagacha kamida 7 kalendar kundan kechikmay Kuzatuv kengashi kotibi tomonidan:

Kuzatuv kengashi majlisi kun tartibi loyihasi;

Kuzatuv kengashi majlisi kun tartibi masalalari bо‘yicha Kuzatuv kengashi qarorlari loyihalari;

Kuzatuv kengashi majlisi kun tartibi masalalari bо‘yicha hujjatlar va axborot materiallari taqdim etiladi.

23. Kuzatuv kengashi raisi (hamraisi) yoki rais о‘rinbosari tomonidan ma’qullangan kun tartibi loyihasi va tegishli materiallar Kuzatuv kengashi majlisi о‘tkaziladigan sanagacha besh kundan kechikmay Kuzatuv kengashi a’zolariga yuboriladi.

Ayni bir vaqtda Kuzatuv kengashining har bir a’zosiga Kuzatuv kengashi majlisi о‘tkazilishi tо‘g‘risidagi xabarnoma yuboriladi. Xabarnoma elektron, faksimil aloqa, telefonogramma orqali yoki Kuzatuv kengashi a’zosiga shaxsan topshirish yо‘li bilan yetkazilishi mumkin va Kuzatuv kengashi majlisi о‘tkaziladigan sana, vaqt va joy tо‘g‘risidagi ma’lumotlarni о‘z ichiga olishi kerak.

24. Kuzatuv kengashi majlisiga axborotlar (materiallar) Kuzatuv kengashining kotibi tomonidan Universitetning tegishli bо‘linmalari bilan birgalikda tayyorlanadi.

25. Zaruriyat bо‘lganda Kuzatuv kengashi majlisi о‘tkaziladigan sana, vaqt va joy Kuzatuv kengashi a’zolari kо‘pchiligining roziligi bilan о‘zgartirilishi (yoki kechiktirilishi) mumkin.

26. Kuzatuv kengashi majlisida qarorlar kengash a’zolarining kо‘pchilik ovozi bilan qabul qilinadi. Kuzatuv kengashi majlisi kun tartibi masalalari bо‘yicha qarorlar qabul qilishda Kuzatuv kengashining har bir a’zosi bir ovozga ega bо‘ladi. Kuzatuv kengashi a’zolari ovozlari teng bо‘lgan taqdirda, raislik qiluvchining ovozi hal qiluvchi ovoz hisoblanadi.

Ovozning Kuzatuv kengashi bir a’zosi tomonidan Kuzatuv kengashining boshqa a’zosiga berilishiga yо‘l qо‘yilmaydi.

27. Quyidagi masalalar bо‘yicha qaror Kengashning majlisida qatnashgan a’zolarining kamida tо‘rtdan uch qismining ovozlari bilan qabul qilinadi:

Universiteting uzoq va о‘rta muddatli strategik rivojlantirish dasturini tasdiqlash;

Universiteting uzoq va о‘rta muddat uchun shakllantiriladigan biznes rejasi hamda daromadlar va xarajatlar parametrlarini tasdiqlash;

ta’lim yо‘nalishlari, mutaxassisliklar hamda ixtisosliklar bо‘yicha tо‘lov-kontrakt asosida о‘qishga qabul qilish parametrlarini belgilash tо‘g‘risida qaror qabul qilish;

Universiteting budjetdan tashqari rivojlantirish jamg‘armasi mablag‘laridan foydalanish tartibini, shu jumladan xarajatlarning taqsimlanish ulushini mustaqil belgilash.

28. Kuzatuv kengashi majlisida bayonnoma yuritiladi. Kuzatuv kengashi majlisi bayonnomasi majlis о‘tkazilgan sanadan boshlab besh kundan kechikmay rasmiylashtiriladi.

29. Kuzatuv kengashi majlisi bayonnomasida:

majlis о‘tkazilgan joy va vaqt;

Kuzatuv kengashi majlisida ishtirok etgan shaxslar;

Kuzatuv kengashi majlisining kun tartibi;

ovoz berishga qо‘yilgan masalalar, ular bо‘yicha ovoz berish yakunlari;

qabul qilingan qarorlar kо‘rsatiladi.

30. Kuzatuv kengashi majlisi bayonnomasi raislik qiluvchi va Kuzatuv kengashi majlisida ishtirok etgan a’zolar tomonidan imzolanadi.

Kuzatuv kengashining sirtdan ovoz bergan a’zolarining yozma shaklda ifodalangan va ularning о‘z qо‘llari bilan imzolangan fikri Kuzatuv kengashi majlisi bayonnomasiga qо‘shib qо‘yiladi.

31. Kuzatuv kengashi bayonnomalari asl nusxalari saqlanishini Kuzatuv kengashi kotibi ta’minlaydi.

Bayonnomalarga xronologik tartibda tartib raqamlari qо‘yiladi, mufassal tartib raqamiga, alohida hujjatlar yig‘majildiga ega bо‘ladi va foydalanish cheklangan axborotlarga ega bо‘lgan hujjatlar uchun belgilangan tartibda saqlanadi.

32. Kuzatuv kengashi raisi tomonidan tasdiqlangan majlis bayonnomalari Kuzatuv kengashi kotibi tomonidan ular tasdiqlangandan sо‘ng 5 kun ichida Kuzatuv kengashi raisi va a’zolariga yuboriladi.

33. Kuzatuv kengashi kotibi Kuzatuv kengashi a’zolarining yordamida Kuzatuv kengashi qarorlarining bajarilishini muntazam ravishda о‘rganadi va kо‘rib chiqadi, zaruriyat bо‘lganda, Kuzatuv kengashi raisiga tegishli takliflar kiritadi.

34. Kuzatuv kengashi bayonnomasining asl nusxasi va uning materiallari Universitetda saqlanadi.

Universitetning rektori Kuzatuv kengashi hujjatlarining belgilangan tartibda saqlanishi uchun javobgardir.

Kuzatuv kengashi tomonidan qabul qilingan qarorlarning ijro etilishi holatini о‘z majlislarida muntazam ravishda kо‘rib boradi.

35. Kuzatuv kengashining ish tartibi Kuzatuv kengashi tasdiqlaydigan reglamentda belgilanadi.

36. Mazkur Nizomga о‘zgartirish va qо‘shimchalar kiritish Kuzatuv kengashi tomonidan amalga oshiriladi.

V. Yakuniy qoidalar

37. Kuzatuv kengashi a’zolariga mazkur Namunaviy nizomda belgilanmagan vakolatlarga ega bо‘lishlariga, Universitet rektorining qonunchilik hujjatlarida belgilangan vakolatlariga aralashishiga yо‘l qо‘yilmaydi.

38. Kuzatuv kengashining faoliyatiga Universitet rektori, davlat boshqaruvi organlari, mahalliy davlat boshqaruvi organlari va boshqa tashkilotlar aralashuviga yо‘l qо‘yilmaydi.

39. Mazkur Nizom talablari buzilishida aybdor bо‘lgan shaxslar qonunchilik hujjatlariga muvofiq javobgar bо‘ladilar.

40. Mazkur Nizom tasdiqlangan paytdan boshlab kuchga kiradi.