Toshkent davlat transport universiteti huzuridagi Jamoatchilik kengashi

Mazkur Nizom О‘zbekiston Respublikasi Prezidentining 2018 yil     5 iyundagi “Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bо‘yicha qо‘shimcha chora-tadbirlar tо‘g‘risida” PQ-3775-son qarori hamda Oliy va о‘rta maxsus ta’lim vazirligining 2018 yil 28 iyuldagi 670-sonli buyrug‘iga asosan, Toshkent davlat transport universiteti xuzuridagi Jamoatchilik kengashining (keyingi о‘rinlarda Kengash deb yuritiladi) vazifalari va vakolatlari hamda uning faoliyatini tashkil etish tartibini belgilaydi.

I.Umumiy qoidalar.

1. Toshkent Toshkent davlat transport universiteti xuzuridagi  Jamoatchilik kengashi (bundan buyon matnda Kengash deb ataladi) universitetning jamoatchilik boshqaruvi organlaridan biri hisoblanadi.

Kengash yuridik shaxs hisoblanmaydi. Kengash о‘z faoliyatini jamoatchilik asosida amalga oshiradi.

2. Kengash о‘z faoliyatini О‘zbekiston Respublikasi Konstitusiyasiga va konunlariga, О‘zbekiston Respublikasi Oliy Majlisi Qonunchilik palatasining qarorlariga, О‘zbekiston Respublikasi Prezidentining farmonlari, qarorlari va farmoyishlariga, О‘zbekiston Respublikasi Vazirlar Mahkamasining qarorlari va farmoyishlariga, ushbu Nizomga hamda boshqa qonun xujjatlariga muvofiq amalga oshiradi.

3. Ta’lim jarayonida samarali jamoatchilik nazoratini joriy etish orqali professor-о‘qituvchilar va talabalar о‘rtasidagi ijtimoiy-ma’naviy muhit sog‘lomligini ta’minlash, mavjud muammolarni bartaraf etishga qaratilgan ishlar orqali oliy ta’lim muassasasining faoliyatini rivojlantirish, prfessor-о‘qituvchilar ular о‘rtasidagi sog‘lom raqobatni rivojlantirish, jamoatchilik asosida amalga oshiriladigan nazorat orqali ta’lim sifati va ilmiy salohiyatning hamda ijodiy madaniyatning yangi bosqichga kо‘tarilishiga kо‘maklashish Kengashning asosiy maqsadlari hisoblanadi.

4. Kengash tarkibiga oliy ta’lim muassasi talabalari, ota-onalar, Yoshlar ittifoqining oliy ta’lim muassasalaridagi faollari, kadrlar buyurtmachilari, professor-о‘qituvchilar hamda fuqarolik jamiyati institutlari vakillari, shuningdek oliy ta’lim muassasasi faoliyatiga ulkan hissa qо‘shib kelayotgan jismoniy va yuridik shaxslar vakillari ham kirishi mumkin.

5. Kengashning tarkibi universitet Kengashida tasdiqlanadi.

6. Kengash tо‘g‘risidagi nizom ushbu Nizom talablarini hisobga olgan xolda Kengash tomonidan tasdiqlanadi va faoliyati yо‘lga qо‘yiladi.

II-bob. Kengashning vazifalari va vakolatlari

7. Quyidagilar Kengashning asosiy vazifalari hisoblanadi:

ta’lim sifati, professor-о‘qituvchilarning bilimi va pedagogik mahorati, talabalarga  yaratilgan shart-sharoitlar ustidan tizimli ravishda monitoring о‘rnatish;

Universitetga professor-о‘qituvchilar tarkibiga ishga qabul qilinayotgan nomzodlar bо‘yicha tavsiyalar berish;

talabalarning murojaatlarini kо‘rib chiqish, ularning pedagog kadrlar hakidagi fikrini tо‘liq о‘rganish maqsadida ijtimoiy sо‘rovlar о‘tkazish;

oliy ta’lim muassasasidagi ta’lim jarayonini takomillashtirish bо‘yicha takliflar tayyorlash va muassasaning tegishli kengashi muhokamasiga kiritish.

8. Kengash о‘ziga yuklangan vazifalarni bajarish maqsadida:

a) ta’lim sifati, professor-о‘qituvchilarning bilimi va pedagogik mahorati, talabalarga yaratilgan shart-sharoitlar ustidan tizimli ravishda monitoring о‘rnatishda:

 о‘quv ishlarini tasdiqlangan meyoriy hujjatlar talablari asosida amalga oshirilishini о‘rganish, akademik guruhlarini shakllantirishni, о‘quv jarayoniga tegishli mashg‘ulotlar jadvallari sifatini nazorat qiladi;

dekanat va kafedralarda о‘quv yuklamalarining meyoriy talablar asosida, odilona taqsimot qilinishini, dars soatlari taqsimoti tо‘g‘ri hisoblanishini о‘rganadi;

professor-о‘qituvchilar tomonidan о‘quv mashg‘ulotlari jadvaliga tо‘liq rioya etishi, о‘quv mashg‘ulotlarini kо‘chirish, о‘tkazmaslik, darsga kech kolish, darslarni belgilangan vaqtidan erta tugatish hollarini о‘rganadi, ularning sabablarini aniqlaydi, tahlil etadi hamda tegishli tavsiyalar beradi;

ta’lim sifatini nazorat qilish bо‘limi bilan hamkorlikda fakultet professor- о‘qituvchilari tomonidan о‘zaro darsga kirish, ochiq о‘quv mashg‘ulotlarini, muammoli darslarni tashkil etish rejalarining talab darajasida bajarilishini nazoratga oladi;

oraliq va yakuniy nazoratlar hamda yakuniy davlat attestatsiyalari jarayonida jamoatchilik nazoratini amalga oshiradi;

zaruriy hollarda tegishli mutaxassislar ishtirokida ishchi guruhlar tuzib, darsga xalaqit bermagan holda о‘quv mashg‘ulotlari sifatini о‘rganadi, tavsiyalar beradi;

kafedralarda fanlardan о‘quv mashg‘ulotlarining zamonaviy pedagogik texnologiyalar asosida tashkil etilishi, kafedra filiallarida laboratoriya va amaliy mashg‘ulotlarning о‘tkazilishini tashkil etish, zaruriy qо‘llanmalarning, elektron о‘quv- uslubiy majmualarining yaratilishi, о‘qitish tizimiga zamonaviy informatsion texnologiyalar, masofaviy о‘qitish uslublarini qо‘llash faoliyatini о‘rganadi;

professor-о‘qituvchilar va boshqa xodimlar hamda talabalar о‘rtasida sog‘lom ma’naviy-axloqiy muhitning mavjudligini о‘rganadi va bu muhitning buzilishiga olib keluvchi sabablarni tahlil etadi, zaruriy tavsiyalar beradi;

ma’naviy-ma’rifiy masalalar bо‘yicha tadbirlar rejasini о‘rganadi, tahlil qiladi va bu tadbirlarning о‘quv jarayoniga xalaqit bermasligi, talabalarni о‘quv mashg‘ulotlaridan asossiz ravishda ozod qilib, turli tadbirlarga jalb etish sabablarini о‘rganadi, xulosalar tayyorlaydi;

talabalarni hasharlarga, universitet hududidagi turli xо‘jalik ishlariga jalb etilishini nazorat qiladi va bu tadbirlar tufayli dars qoldirilishlarga yо‘l qо‘ymaslik choralarini kо‘radi;

professor-о‘qituvchilar va boshqa xodimlarni ijtimoiy himoyalash va ularga mukofotlar belgilashda ijtimoiy adolat tamoyillariga rioya etilishi, mukofotlanishda shaxsning о‘z xizmat vazifalarini halol va vijdonan bajarishini, jamoat ishlarida, ma’naviy-ma’rifiy tadbirlarda faol ishtirokini hisobga olinishi kabi holatlarni nazorat qiladi;

universitet, professor-о‘qituvchilar va talabalarning faoliyati (ishdan bо‘shatilishi yoki talabalar safidan chiqarilishi) bilan bog‘lik bо‘lgan barcha turdagi yig‘ilishlarda ishtirok etish uchun о‘z a’zolaridan vakil tayinlaydi;

faol talabalar (fan olimpiadalari, sport musobaqalari, turli kо‘rik-tanlovlar g‘oliblari) va har jihatdan e’tirofga loyiq bо‘lgan professor-о‘qituvchilarni rag‘batlantirish bо‘yicha oliy ta’lim muassasasi rahbariyatiga tavsiyalar kiritadi;

talaba-yoshlarning talabalar turar joylaridagi, xususiy xonadonlardagi yashash sharoitlarini о‘rganish, ularning shart-sharoitlarini yaxshilash bо‘yicha universitet tomonidan amalga oshirilayotgan ishlarni nazorat qiladi, bu ishlarni yaxshilash bо‘yicha tavsiyalar beradi;

talabalar orasida tartibbuzarlik, axloqsizlik, giyohvandlik, ichkilikbozlik kabi illatlar tarqalishining oldini olish va ota-onalar kengashi bilan hamkorlikda bu salbiy holatlarga qarshi faoliyat yuritish, nazorat etish, ahvolni yaxshilashga oid chora- tadbirlar kо‘rish yuzasidan tavsiyalar beradi;

talaba-yoshlarning oliy ta’lim muassasasi hududida, yashash joylarida turli nojо‘ya harakatlar qilmasligi, jamoat tartibiga, qonunchilikka rioya etishlarini о‘rganadi, nazorat qiladi va tavsiyalar beradi;

talabalar uchun universitet xududida umumiy ovqatlanish joylaridagi xizmat va taomlarning sifati va narxini о‘rganadi;

professor-о‘qituvchilarga ilmiy faoliyat olib borish uchun sharoit yaratish, nomzodlik, doktorlik dissertatsiyalari ustida ilmiy izlanishlar olib borayotganlarni ijtimoiy himoyalash, yil davomida faol ilmiy ish bilan shug‘ullanib, yaxshi natijalarga erishganlarni mukofotlash, sust xarakat qiluvchilarga chora kо‘rish kabi ishlarni nazorat qiladi;

professor-о‘qituvchilar tomonidan monografiyalar, darsliklar, о‘kuv qо‘llanmalarni shartnoma asosida tayyorlanishini va ularga о‘z vaqtida gonorarlar tо‘lanishini о‘rganadi;

ta’lim, fan va ishlab chiqarish hamkorligida olib borilayotgan ilmiy tadqiqot ishlari va ularning natijalarini tahlil qiladi va jamoatchilik nazoratini о‘rnatadi;

talabalarni ilmiy faoliyatga jalb etilishi, xalqaro, respublika ilmiy anjumanlari, tanlovlari, kо‘rgazmalari, fan olimpiadalarida qatnashishi kabi ishlarni tashkil etilishini о‘rganadi va tavsiyalar beradi;

tо‘lov-shartnoma asosida ta’lim olayotgan talabalar tomonidan shartnoma talablarining о‘z vaqtida bajarilishi, bu borada ota-onalarning mas’uliyatini oshirishga karatilgan choralarni kо‘radi;

talabalarga stipendiyalarning о‘z vaqtida berilishini, stipendiyalardan noqonuniy ushlab qolish xamda turli maqsadlarda pul yig‘ish kabi holatlarning bо‘lmasligini nazorat kiladi, shu bо‘yicha chora-tadbirlar belgilaydi;

professor-о‘qituvchilar va boshka xodimlar hamda talabalarni ijtimoiy himoya qilish, ularga moddiy yordam kо‘rsatish kabi ishlarning borishini nazorat qiladi va bu borada tavsiyalar beradi;

byudjetdan tashqari mablag‘lardan foydalanishning mavjud meyoriy hujjatlar talablariga mosligini nazorat qiladi;

о‘kuv auditoriyalarining ahvoli, tozalik darajasi, dars о‘tish sharoitlarini, auditoriyalarning kerakli anjomlar bilan ta’minlanganligini о‘rganadi;

b)universitetga professor-о‘qituvchilar tarkibiga ishga qabul qilinayotgan nomzodlar bо‘yicha tavsiyalar berishda;

professor-о‘qituvchilarni ishga qabul qilish va attestatsiyadan о‘tkazish jarayonida ishtirok etish va fikr bildirish uchun о‘z a’zolaridan vakil tayinlaydi;

ishga qabul qilinayotgan professor-о‘qituvchining sinov uchun о‘tkaziladigan ochiq darsida ishtirok etish uchun о‘z a’zolaridan vakil tayinlaydi;

ishga qabul qilinayotgan nomzodlar bо‘yicha о‘z fikr-mulohazalarini yozma ravishda bildiradi.

v) talabalarning murojaatlarini kо‘rib chiqish, ularning pedagog kadrlar haqidagi fikrini tо‘liq о‘rganish maqsadida ijtimoiy sо‘rovlar о‘tkazishda:

jismoniy va yuridik shaxslarning murojaatlarini tо‘liq о‘rganib chiqilishi hamda ularning asoslangan holda, tо‘laqonli ravishda qanoatlantirilishini nazorat qiladi;

talabalarning murojaatlarini kо‘rib chiqish, ularning pedagog kadrlar haqidagi fikrini tо‘lik о‘rganish maqsadida ijtimoiy sо‘rovlar о‘tkazadi;

professor-о‘qituvchilar tomonidan talabalar bilimini holisona baholamaslik, ta’magirlik qilish kabi noqonuniy harakatlar sodir qilinishiningoldini olish bо‘yicha choralar belgilaydi, tavsiyalar beradi;

talabalarning о‘quv mashg‘ulotlariga qatnashishi, sababsiz dars qoldirishlar, darsga kechikish, darslardan sababsiz ketib qolish hollarining sabablarini о‘rganadi nazorat qiladi;

talabalarning fanlar bо‘yicha baholashida reyting tо‘g‘risidagi nizom talablarining bajarilishini, baholash mezonlarini, tajribali о‘qituvchilarning ish uslublarini о‘rganadi va targ‘ib etadi;

g) universitetdagi ta’lim jarayonini takomillashtirish bо‘yicha takliflar tayyorlashda:

о‘quv, ilmiy va tarbiyaviy ishlarni shaxs, jamiyat va davlat manfaatlarini kо‘zlagan holda amalga oshirishda, shuningdek, talabalarning har tomonlama yetuk shaxs sifatida kamol topishi uchun zarur sharoitlar yaratishda oliy ta’lim muassasasiga kо‘mak va tavsiyalar beradi;

universitetning sha’ni, obrо‘si va har jihatdan taraqqiy etishi uchun xizmat qiladigan tadbirlarni tashkil etadi;

universitetda jamoatchilik nazoratini olib borish yо‘nalishlarini

belgilaydi hamda uning ijrosi bо‘yicha har chorakda universitet kengashida ma’lumot beradi;

oliy ta’limdan keyingi ta’lim tizimining samaradorligini tanqidiy о‘rganadi va tahlil qiladi hamda takliflar kiritadi;

faxriylar kengashi bilan hamkorlikda uzoq yillar mehnat qilgan va xozirda nafaqada bо‘lgan professor-о‘qituvchilar va boshqa xodimlarning ahvolidan, yashash sharoitlaridan xabardor bо‘lish, lozim bо‘lganda moddiy yordam berish kabi ishlarning amalga oshirilishida hamkorlik qiladi;

universitetda muammoli masalalar yechimini topishda о‘z vakolatlari doirasida kо‘maklashadi;

universitet Kasaba uyushmasining boshlang‘ich tashkiloti yig‘ilishlarida ishtirok etish uchun о‘z a’zolaridan vakil tayinlaydi;

universitet raxbariyati va kengashiga tartibsiz, ichki tartib-qoidalar va axloq-odob normalariga rioya etmagan talabalar va xodimlarga nisbatan tegishli chora qо‘llash bо‘yicha taklifini kiritadi;

talabalarning xatti-harakati, о‘zini tutishi, о‘qishi, universitetdagi faoliyati yuzasidan ularning ota-onalarini xabardor qiladi;

korrupsiya va boshqa shu kabi illatlarning oldini olishga qaratilgan profilaktik ishlarda faol ishtirok etadi, takliflar kiritadi;

kafedralar, fakultetlarning yillik hisobotlarini rektorat tomonidan kо‘rib chiqishda jamoatchilik nazoratini amalga oshiradi.

Kengash amaldagi qonun hujjatlariga, о‘z Nizomiga va universitetning ustaviga muvofiq boshqa vakolatlarga ham ega bо‘lishi mumkin.

. III-bob. Kengash faoliyatini tashkil etish

9. Kengashda ishtirok etishning ixtiyoriyligi va Kengash vakolatiga tegishli masalalarni hal etishda uning barcha a’zolarining teng xuquqliligi tamoyillari asosida shakllantiriladi.

Kengash, qoidaga kо‘ra, saylov asosida Kengash raisi, raisiing о‘rinbosari, kotib va a’zolaridan iborat tarkibda shakllantiriladi.

Kengash yetti kishidan kam bо‘lmagan toq sondan iborat tarkibda tashkil etiladi. Kengashning shaxsiy tarkibi va rahbariyatidagi о‘zgarishlar, qoidaga kо‘ra, bir yilda bir marta amalga oshiriladi.

Universitetning rektori (direktori) va prorektorlari (direktor о‘rinbosarlari) lavozimiga kо‘ra Kengash a’zosi hisoblanadi.

10. Universitet rahbariyatining yaqin karindoshlari Kengash a’zolari bо‘lishi mumkin emas.

11. Kengash raisi va uning о‘rinbosari Kengashning birinchi tashkiliy majlisida saylanadi, majlisda oliy ta’lim muassasasining rektori (direktori) raislik kiladi.

Kengash raisi va uning о‘rinbosari Kengash a’zolari orasidan saylanadi.

12. Kengash raisi Kengash zimmasiga yuklangan vazifalarning bajarilishi uchun shaxsan javobgar bо‘ladi.

13. Kengash raisi:

Kengashning yillik ish rejasini tasdiqlaydi, shuningdek Kengashning yillik ish rejasi bajarilishi tо‘g‘risidagi hisobotni Kengashga hamda universitet jamoasiga taqdim etadi;

Kengash ishchi komissiyalari hisobotlari, axborotlarini eshitadi, tasdiqlaydi; 

Kengash majlisi kun tartibini belgilaydi va uni chaqiradi;

Kengash qarorlarini tasdiqlaydi va ularning bajarilishi nazorat qilinishini tashkil etadi;

Kengash a’zolari о‘rtasidagi majburiyatlarni taqsimlaydi va alohida topshiriqlarning bajarilishini nazorat qiladi hamda Kengash a’zolariga yuklangan vazifalar bajarilishi yuzasidan ularning ishini muvofiqlashtiradi;

Kengashning tarkibi, faoliyatini tashkil etishga, о‘zgartirishga oid takliflar kiritadi;

davlat organlari va boshqa tashkilotlarda Kengash nomidan vakillik qiladi;

Kengashning samarali ishlashini ta’minlash uchun boshqa vakolatlarni amalga oshiradi.

14. Kengash raisi lavozimi bо‘yicha universitet kengashi a’zosi hisoblanadi.

15. Kengash raisi о‘rinbosarining vakolatlari Kengashning qarori bilan belgilanadi.

16. Kengash a’zolari quyidagi hukuqlarga ega:

Kengashga kо‘rib chiqish uchun kiritiladigan masalalarni tayyorlashda ishtirok etish;

Kengash majlislarida hamda universitet kengashida kо‘rib chiqiladigan masalalarni muhokama qilish va hal etishda qatnashish;

Kengash tomonidan tuziladigan shо‘balar, komissiyalar hamda ishchi guruhlarga saylash, saylanish va rahbarlik qilish;

Kengashning faoliyatini takomillashtirish bо‘yicha takliflar kiritish;

tegishli oliy ta’lim muassasasi professor-о‘qituvchilarining yillik ish faoliyat reytingini hisoblashda (aniqlashda) hay’at a’zolari sifatida qatnashish va bu ishlarda jamoat nazoratini amalga oshirish;

Kengash tomonidan kо‘rib chiqiladigan masalalar bо‘yicha xulosa taqdim etish;

Kengash qarorlari bilan yuklangan boshka vazifalarni bajarish.

Kengash a’zolari Kengash tarkibida о‘z faoliyatini jamoatchilik asosida amalga oshiradilar.

Kengash a’zolari majlisda shaxsan qatnashishi kerak. Bunday katnashishning imkoni bо‘lmagan takdirda Kengash a’zosi majlisning kun tartibi bо‘yicha о‘z fikrini Kengashga yozma ravishda taqdim etishga haqlidir.

17. Kengash universitetda samarali jamoatchilik nazoratini joriy etish, ijtimoiy-ma’naviy muhit sog‘lomligini ta’minlash, ta’lim sifati va ilmiy salohiyatning hamda ijodiy madaniyatning yangi bosqichga kо‘tarishga oid masalalarni о‘rganish va tahlil qilish uchun shо‘balar, komissiyalar hamda ishchi guruhlarni tashkil etishi mumkin. SHо‘balar, komissiyalar hamda ishchi guruhlarning faoliyati va tarkibi Kengash qarori bilan tasdiqlanadi.

18. Kengash о‘z ishlarini о‘zi tasdiqlagan rejalar asosida amalga oshiradi va о‘z majlislarini zaruriyatga kо‘ra, biroq yil choragida kamida bir marta о‘tkazadi. Kengash raisi tomonidan uning a’zolarining yozma iltimosnomalari asosida navbatdan tashqari majlislar chaqirilishi mumkin. Iltimosnomalarda navbatdan tashqari majlisni chaqirishning sabablari va asoslari bayon qilinishi kerak.

19. Kengash majlisini Kengash raisi, u bо‘lmagan taqdirda esa - Kengash raisining о‘rinbosari boshqaradi.

Kengash majlisi unda Kengash a’zolarining kamida uchdan ikki qismi qatnashganda huquqiy vakolatli hisoblanadi.

Majlisni о‘tkazish uchun kvorum yoki rais va uning о‘rinbosari bо‘lmaganda Kengash majlisini о‘tkazishning yangi sanasi e’lon qilinadi.

20. Kengash majlisida kо‘rib chiqiladigai masalalarning xususiyatiga kо‘ra, shuningdek shо‘balar, komissiyalar va ishchi guruhlar tarkibida ishlash uchun davlat organlari va boshqa tashkilotlarning rahbarlari va mutaxassislari, oliy ta’lim muassasasining xodimlari, boshqa jismoniy shaxslar taklif etilishi mumkin.

21.Kengash mas’ul kotibi:

Kengash majlisiga barcha zarur hujjatlarning о‘z vaqtida tayyorlanishini ta’minlaydi;

majlisni о‘tkazish muddatlari va joyini Kengash raisi bilan kelishadi;

kun tartibi masalalari bо‘yicha Kengash majlislari о‘tkazilishini tashkil etadi;

Kengash a’zolari va taklif etilgan shaxslarni majlisning sanasi, kun tartibi loyihasi, majlisni о‘tkazish vaqti va joyidan xabardor qiladi;

Kengash faoliyati uchun muhim bо‘lgan tadbirlar va hujjatlar tо‘g‘risida Kengash azolarini xabardor qiladi;

Kengash qarorlari bajarilishi monitoringini yuritadi;

Kengash bayonnomalarini rasmiylashtiradi va tasdiqlangan bayonnomalarni Kengash a’zolariga va boshqa manfaatdor tashkilotlarga yuboradi;

Kengash karorlari bilan unga yuklangan boshqa vazifalarni bajaradi.

Kengash kotibi Kengash a’zosi hisoblanadi.

22. Kengash yig‘ilishlari qoidaga kо‘ra, har chorakda kamida bir martadan о‘tkaziladi.

23. Kengash faoliyatini tashkiliy jihatdan ta’minlash, xujjatlarini yuritish va saqlanishini tashkil etish Yoshlar ittifoqi universitet boshlang‘ich tashkiloti yetakchisi tomonidan amalga oshiriladi.

24. Kengash ish tartibi Kengash tomonidan tasdiqlanadigan Kengashning ish reglamentiga muvofiq tashkil etiladi.

25. Kengash о‘z faoliyati tо‘g‘risidagi yillik ma’lumotni tegishliligi bо‘yicha yuqori turuvchi organ- vazirlik, davlat qо‘mitasi yoki idoraga taqdim etadi.

26. Kengash о‘z faoliyatini ta’lim muassasasining rektori (direktori) bilan о‘zaro hamkorlikda amalga oshiradi.

IV-bob. Kengash tomonidan qarorlarning qabul qilinishi

va ulariing ijrosini tashkil etish

27. Kengash qarori uning majlislarida qabul qilinadi. Kengash yig‘ilishlari yakunlari bо‘yicha, Kengashning barcha a’zolari bilan kelishilgan holda (imzo qо‘yish orqali) majlis bayoni hamda Rais tomonidan tasdiqlanadigan va mas’ul kotib imzolaydigan qaror rasmiylashtiriladi. Kengash majlis bayoni va qarori tasdiqlangandan keyin bir hafta muddatda Kengash a’zolariga va manfaatdor tashkilotlarga yuboriladi.

Kengashning har bir a’zosi qabul qilinadigan qarorlar yuzasidan о‘z fikr-mulohazalarini yozma ifodalash huquqiga ega.

28. Rais qarorlarni tezkor qabul qilish maqsadida, Kengashning alohida masalalar bо‘yicha qarorlarini Kengash a’zolari bilan sо‘rovnoma о‘tkazish yо‘li orqali tasdiqlashi mumkin.

29. Kengash qarorlari kengashning majlisida ishtirok etayotgan a’zolarining oddiy kо‘pchilik ovozi bilan qabul qilinadi. Ovozlar soni teng bо‘lgan hollarda Kengash majlisida raislik qiluvchining ovozi hal kiluvchi ovoz hisoblanadi.

30. Kengashning bir a’zosi unga berilgan bir ovoz berish vakolatidan ortiq ovoz berish huquqiga ega emas. 

31. Qabul qilingan qarorlar universitetning rasmiy veb-sayti va ijtimoiy tarmoqlarida joylashtirilishi va ommaviy axborot vositalarida yoritilishi mumkin.

32. Kengash bayonining asl nusxasi va unga ilova qilingan hujjatlar Kengash mas’ul kotibida saqlanadi.

33. Oliy ta’lim muassasasining rektori (direktori) Kengash hujjatlarining saqlanishi va ularning saqlanishini ta’minlash uchun shart-sharoitlar yaratadi.

34. Kengash qabul qilingan qarorlarning bajarilishini о‘z yig‘ilishlarida muntazam ravishda kо‘rib chiqadi. 

V-bob. Yakuniy qoidalar

35. Kengash raisi, uning о‘rinbosari, mas’ul kotibi va alohida faol a’zolari oliy ta’lim muassasasining byudjetdan tashqari mablag‘lari hisobidan о‘rnatilgan tartibda rag‘batlantirib boriladi.

36. Kengashni tarqatib yuborish О‘zbekiston Respublikasi Transport vazirligining qarori asosida amalga oshiriladi.

37. Mazkur Nizom О‘zbekiston Respublikasi Transport vazirligi hamda Oliy va о‘rta maxsus ta’lim vazirligi bilan kelishilgan.