Amaldagi loyihalar

Toshkent davlat transport univeristeti talabalari 2023-yilning mart oyidan Polsha davlatining Sileziya Texnologiya Universitetida 6,7,8 semestrni oʻqish imkoniyatiga ega boʻldi.

Toshkent davlat transport universiteti vakillari 2022-yil aprel oyida Sileziya Texnologiya Universiteti bilan tanishish uchun universitetga tashrif buyurgan edi. Muzokaralar natijasida, ilmiy tadqiqot ishlarini birgalikda olib borish, Toshkent davlat transport universiteti talabalari o‘qigan barcha kreditlari inobatga olinishi, o‘qishini  Transport va aviatsiya muhandisligi, ko‘priklar va yo‘llar, intellektual transport tizimlari, transport iqtisodiyoti va boshqa yo‘nalishlarda o‘z o‘qishini uchinchi kursdan davom ettirishini hamda har yili PhD o‘qish uchun 5 tagacha to‘liq stipendiya berilishiga kelishib olingan edi.

Yuqoridagi kelishuvlar natija berib, joriy yilning yanvar oyida Polsha davlatining Sileziya Texnologiya Universiteti bilan bo'lib o'tgan muzokaralarda talabalar, magistrlar hamda doktarantlar uchun foydali kelishuvlarga erishildi. 2023-yil mart oyidan boshlab, bakalavrning 6-7 semestrini ushbu universitetda o'qib, 8 semestr diplom himoyasini qilib, TOP 1000ga kirgan Yeropa universiteti diplomini oladi. PhD uchun 3-5 tagacha grant berilmoqda, buning uchun Toshkent davlat transport univeristetidan Ilmiy rahbar hamda mavzu tasdiqlangan bo'lishi lozim. PhD o'qish uchun oyiga 800 € miqdorida stipendiya ajratiladi. 

Taʼlim tiliga toʻxtaladigan boʻlsak, oʻqish boshlanishi bilan intensiv tarzda til kurslari o'rgatiladi, faqat sharti talabalarda rus tili bo'yicha gapirish koʻnikmasi boʻlishi shart.

P.S. Turar joy oyiga taxminan 80 €, bakalvr toʻlovi yiliga 880 €, magistrlar uchun esa 980 €ni tashkil etadi. 

Ma'lumot uchun, Toshkent davlat transport universiteti 2022-yil aprel oyida Varshava politexnika universitetiga tashrif buyurgan edi. Qolaversa,  2022-yil 16-17 may kunlari bo‘lib o'tgan Yevropa Intellektual transport tizimlari kongressi da ishtirok etgan edi hamda Lyublinning Xelm shahrida joylashgan uchuvchilarni tayyorlaydigan Polsha davlat amaliy fanlar akademiyasi o'rtasida shartnomalarga erishilgan.

Murojaat uchun: Xalqaro hamkorlik boshqarmasi - Litsey binosi 107-116-xona

Telegram manzil: https://t.me/ICD_TSTU