TA’LIMGA TIKILGAN INVESTITSIYA- ENG YAXSHI INVESTITSIYA

Bugun Toshkent davlat transport universitetida “Zakovat” o’yinlari super final bosqichi bo’lib o’tdi. Bu musobaqa universitet tarixidagi eng katta masshtablisi bo’ldi. Saralash bosqichlarida 124 ta jamoa qatnashgan bo’lsa, finalda 7 ta jamoa Breyn ring orqali kuch sinashishdi. Ta’limga tikilgan investitsiya – eng yaxshi investitsiya hisoblanadi. Shuni inobatga olib universitet ma’muriyati talabalarga jami 18 million pul mukofotlarini ajratdi. Final so’ngida:
1-o’rin uchun 9 million, 2-o’rin 6 million, 3-o’rin 3 million pul mukofotlari o’z egalarini topdi. Keskin baxs-munozaralarga boy tarzda o’tgan musobaqada “Respect” jamoasi 1-o’rinni, “UVD” jamoasi 2- o’rinni, “BI-34” jamoasi esa 3-o’rinni egalladi.
“Zakovat” qizg‘in va murosasiz bahslarida muvaffaqiyatli ishtirok etib, g‘oliblikni qo‘lga kiritgan talabalar kelgusida professional bilimdonlar safini kengaytirishga ishonamiz.

✅Bizning ijtimoiy tarmoqlardagi sahifalarimizga a’zo bo’ling!
Tstu.uz | Telegram  | Facebook  | Instagram